வாழ்த்துங்களேன்!

பிறந்த நாள், திருமண நாள், சஷ்டியப்த பூர்த்தி, சதாபிஷேகம்... இவை போன்று இன்னும் பல்வேறு இனிய வைபவங்களைக் காணும் வாசகர்களுக்குச் சக்தி விகடனின் வாழ்த்துகள்!

அன்பார்ந்த வாசகர்களே!

உங்கள் சக்தி விகடன் 21-ம் ஆண்டில் வெற்றிநடை போடும் இந்த இனிய தருணத்தில், உங்களுக்குப் பிடித்தமான வாழ்த்துங்களேன் பகுதியில் நீங்கள் பதிவு செய்யும் பிரார்த்தனைகள், பிரசித்திபெற்ற பரிகாரத் தலங்களில் சமர்பிக்கப்படவுள்ளன. பிறந்தநாள், திருமண நாள், சஷ்டியப்த பூர்த்தி, சதாபிஷேகம் முதலான இனிய தருணங்களை முன்னிட்டு, உங்களுக்காக அல்லது உங்களின் உற்றார்-உறவினர் மற்றும் நண்பர்களுக்கான பிரார்த்தனைகளை, உங்களின் மொபைல் போன் மூலம் பதிவு செய்யுங்கள். அதற்கு, இந்தப் பக்கத்தில் உள்ள QR Code-ஐ ஸ்கேன் செய்து, அதில் கேட்கப்பட்டுள்ள விவரங்களைப் பூர்த்தி செய்தால் போதும்.

அவ்வாறு பதிவு செய்யப்படும் விவரப்படி, இனிய தருணங்களைக் கொண்டாடும் அன்பர்களுக்கான பிரார்த்தனைகள், அவர்களின் வாழ்வில் சகல வளங்களும் பொங்கிப் பெருகிடும் வகையில், தமிழகத்தின் வழிபாட்டுச் சிறப்பு மிக்க ஆலயங் களில் சமர்ப்பிக்கப்படும்.

24.12.24 முதல் 6.1.25 வரை பிரார்த்தனைக்குப் பதிவு செய்ய வேண்டிய கடைசித் தேதி: 17.12.24

ஸ்ரீசொன்னவாறு அறிவார் ஆலயம்

ஸ்ரீசொன்னவாறு அறிவார் ஆலயத்தில்...

24.12.24 முதல் 6.1.25 வரையிலும் சுப நிகழ்வுகள், இனிய தருணங்களைக் கொண்டாடும் அன்பர்களுக்கான சிறப்புப் பிரார்த்தனைகள், குத்தாலம் - அருள்மிகு சொன்னவாறு அறிவார் கோயிலில் சமர்ப்பிக்கப்படுகின்றன.

பசுவுரு தாங்கிய கோரூபாம்பிகை பூஜித்து சாபவிமோசனம் அடையப்பெற்ற ஒன்பது தலங்களில் திருத்துருத்தி எனப்படும் குத்தாலமும் ஒன்று. அன்னை சக்தி பூஜித்த லிங்கத்திலிருந்து இறைவன் தோன்றி, அவளைக் காந்தர்வ விவாகம் புரிந்தார். இங்ஙனம், சொன்னபடி தன் வாக்கினைக் காத்ததினால், இறைவன் சொன்னவாறு அறிவார் என்ற திருநாமம் கொண்டார். இத்தலத்து உத்தால மரத்தினை வலம் செய்து வழிபடுவோர், அம்மையப்பர் அருளால் திருமண தோஷங்கள் நீங்கப்பெறுவதும்; சத்புத்திர ப்ராப்தி பெறுவதும் கண்கூடு. நீண்ட ஆயுள், நீங்காத செல்வம், நிலைத்த ஆரோக்கியம் என அனைத்தும் அருளும் அற்புதமான இந்தத் தலத்தில்... வாசகர்கள் சகல சௌபாக்கியங்களைப் பெற்று வாழவும், அவர்களின் வேண்டுதல்கள் யாவும் நிறைவேறவும் வேண்டி வாழ்த்துப் பிரார்த்தனைகள் சமர்ப்பிக்கப்படவுள்ளன!

from Vikatan Latest news