ஜூனியர் என்.டி.ஆரின் 'தேவரா' திரைப்படம், வருகிற செப்டம்பர் 27-ம் தேதி திரையரங்குகளில் வெளியாகிறது.
இயக்குநர் கொரட்டல சிவா இயக்கத்தில் உருவாகியிருக்கும் இந்தப் படத்தில் ஜான்வி கபூர், கலையரசன் ஆகியோர் நடித்திருக்கிறார்கள். அனிருத் இப்படத்திற்கு இசையமைத்திருக்கிறார். இந்தப் படத்தின் செய்தியாளர்கள் சந்திப்பில் ஜூனியர் என்.டி.ஆர், ஜான்வி கபூர், அனிருத், கலையரசன் என பலரும் கலந்துகொண்டனர்.
இந்த நிகழ்வில் பேசிய அனிருத், "தேவாராவும் எனக்கு ரொம்பவே ஸ்பெஷல். ஏன்னா, தாரக் (ஜூனியர் என்.டி.ஆர்) அண்ணாகூட சேர்ந்து வேலை பார்க்கணும்னு ரொம்ப நாள் ஆசை. சமூக வலைதளப் பக்கங்களிலேயும் 'We want anirudh for Jr.NTR - 30'னு போட்டுட்டு இருந்தாங்க. இயக்குநர் சிவா சார் எனக்கு இந்த படத்தோட ஐடியாவை முதல்ல சொன்னாரு. பயம்ங்கிற ஒரு விஷயத்தை நம்ம ஒரு மாதிரி யோசிச்சிருப்போம். ஆனா, சிவா சார் அதையே வேற மாதிரி யோசிச்சிருந்தாரு. தெலுங்குல நான் அதிகமான படங்கள் எதுவும் பண்ணல. இத்தனை வருட கரியர்ல இதுதான் தெலுங்குல நான்காவது திரைப்படம்.
அங்க இருந்து தமிழ் பாடல்களுக்கும் பயங்கரமான லவ் கொடுத்திருக்காங்க. இந்தப் படம் தமிழிலேயும் நல்லா ஓடும். இந்தப் படத்தோட உலகம், நிலப்பரப்பு எல்லாமே புதுசு. அந்த உலகத்துல தாரக் அண்ணாவோட மாஸும், சிவா சாரோட எழுத்தும் சேர்ந்திருக்கு. நடிகர் கலையரசன் ரொம்ப அற்புதமாக நடிச்சிருக்காரு. இயக்குநர் சிவா சார்கூட வேலை பார்த்தது ஸ்பெஷல்.
ஏன்னா, அவர் அற்புதமான ஒரு சூழலை உருவாக்குவாரு. நான் டைரக்டர், நீ மியூசிக் டைரக்டர் அப்படிங்கிற ஒரு எண்ணத்துலேயே இருக்கமாட்டாரு. படத்தை பத்தி பாடல்களை பத்தி நமக்கு என்ன தோன்றினாலும் அவர்கிட்ட பேசலாம். அவரும் நான் சொல்றதுக்கான விளக்கத்தைக் கொடுப்பாரு. இல்லைனா, சில விஷயங்கள் மாத்துவாரு. ஹைதராபாத்ல என்னுடைய பெஸ்ட் ஃபிரண்ட் தாரக் அண்ணாதான். என்னுடைய எனர்ஜியும் அவருடைய எனர்ஜியும் ஒரே மாதிரி இருக்கும்.
அவ்வளவு உரிமையாக என்கூட அவர் பேசுவாரு. அவர் திரையில வெளிப்படுத்தும் ஒவ்வொரு உணர்வுகளை பார்க்கிற நம்மையும் அதே உணர்வுகளை ஃபீல் பண்ண வச்சிடுவாரு. அதுதான் அவர் சிறந்த நடிகர்ங்கிற விஷயத்தை எடுத்துச் சொல்லுது. படத்தை முதன்முறையாகப் பார்க்கிற பார்வையாளர் இசையமைப்பாளர்தான். நானும் எங்க டீமும் இந்தப் படத்தைப் பார்த்துட்டு பெருமையாக ஃபீல் பண்றோம்" என்றார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
https://chat.whatsapp.com/KzgH8aPb2MI9PVttY53JpX
from Vikatan Latest news
0 Comments